Færsluflokkur: Bloggar

Hér eru sannarlega tengslamyndun í gangi,

og mikið ný félög sett fram um einn tilgang,komast í framtíðar gullið sem er orka og vatn.Svo staldrar maður við þegar geyser svæðið er nefnt í fréttinni,og þá veit maður hvaðan og hversvegna GGE heitir einmitt Geysir Green Energy.

Svo þessi þáttungur er ekkert nýr á nálinni og hefur mikla skýrskotun um að nýtt Ísland er og verður byggt á gömlum grunni sem ekkert hefur breyst og mun ekkert breytast.

Ég á 2 orð sussum svei.


mbl.is Hlutafé fyrir 21 milljarð
Tilkynna um óviðeigandi tengingu við frétt

Kominn aftur heim eftir

vel heppnaða viku með börnin mín í Bergen í Noregi,Mikið var gott og nauðsynlegt að komast þó ekki væri nema vika í frí með börnin í sumarið.

Málin eru þannig hjá mér að ég tók að mér verktaka vinnu þetta sumarið og fram á veturinn,hjá nokk stórri bílaleigu.Og þar með verður mikið að gera hjá mér yfir sumarið og fram á haust,og lítið um sumarfrí heldur tek ég bara vetrarfrí þegar vertíðinni lýkur.

Ég var ekkert of bjartsýnn miðað við mína forvinnu áður en ég fór,því ég fór víst á einhvern mesta rigninga stað Noregs.En viti menn ég kom út 21 júni í fremur skýjað og súldar veður en hiti þó um 16 stig,mánudagurinn gaf eftir hádegi hita að 20 stigum og léttskýjað það sem eftir var fram á sunnudag 28 er ég kom heim að nýju glampandi sól og 24-27 stig alla daga.

Eitt var þó verst og mun það vera blessað verðlagið í Bergen,ég bara fékk miðað við gengi okkar ástsælu krónu við norsku krónuna létt sjokk strax á fyrsta og öðrum degi .Hundrað kallarir norsku hurfu hver á fætur öðru,þó mér fyndist ég ekkert vera að kaupa af viti.

Og svona til að gera allt svo yndislegt þurfti ég að grípa til kretidkortsins þegar kom að helgi,og viti menn þó ég hafi hringt og tilkynnt fararsnið mitt til noregs með börn mín og spurt hvort ég myndi nokkuð lenda í einhverju veseni með það á þessum slóðum.Mér var auðvitað tjáð að heimild mín væri full enda ekkert notað kort á þessu tímabili áður en farið var,til að gera langasögu stutta notaði ég kortið fyrir 6 þúsund í fríhöfninni okkar daginn sem farið var út,og síðan aftur seinnipart fimmtudags þegar ég og börnin fórum í sædýrasafnið,sú ferð kostaði fyrir mig og 2 börn 500 norskar sem gera um 10 þús íslenskar.

Ég ætlaði síðan að nota kortið á föstudagskveldi við verslun á fötum handa börnum mínum,og þá strandaði allt og eftir það gat ég ekki notað kortið meir,ekki einusinni í fríhöfn við heimkomu,og ég verð að viðurkenna að ég er létt fúll yfir þessu sérstaklega vegna að ég hringdi spes til að tékka á hvort nokkuð yrði í vændum sem ég ekki kærði mig um.

Svo ég mun kvarta í morgunsárið við kortafyrirtækið og segja mína meiningu eins og mér er líkt til.En þetta slapp alveg fyrir horn vegna hversu passasamur ég er,og var ég því með inná debeti og vara sjóð klárann ef eitthvað skyldi klikka.

En best af öllu er að börnin voru og eru alsæl með ferðina til Noregs og þá var tilgangi náð.Lifið heil og eins og ég er vanur að segja guð sér um sína.


Ég mun sakna þín

sárt,og vil hér með þakka þér Barry fyrir vel unnin störf á liðnum árum hjá Villa.
mbl.is Barry: Mikið af hæfileikum hjá Manchester City
Tilkynna um óviðeigandi tengingu við frétt

Til hamingju með daginn Torfhildur.

Og svo má til gamans geta að ættarnafn mitt er einmitt tilkomið vegna Asparvíkur á Ströndum.

 

Skildi ég verða hundgamall eins og margt af mínu fólki,og kannski lifa eins og 5-6 kreppur eða svo.


mbl.is Torfhildur 105 ára í dag
Tilkynna um óviðeigandi tengingu við frétt

Í bæjarfélagi með innan við 3000 íbúa

er þetta alveg milljón,núna verða 2 fyrrverandi bæjarstjórnar á launum.Síðan verður auðvitað ráðið nýr og ég er laus á hálfvirði þeirra fyrrverandi,enda er mér skilt að bjóða mig fram þar sem börn mín 2 búa þar ásamt móður sinni.

 


mbl.is Meirihlutinn í Grindavík sprunginn
Tilkynna um óviðeigandi tengingu við frétt

Hver er stefnan og hvaða ráð hafa stjórnvöld

fyrir fólkið í landinu?

Eins og flestir vita voru tveir af þrem stóru flokkunum með Landsfund sinn um helgina,og hvað var ákveðið og tekist á um fyrir fólkið sem land byggir.

Nú fyrir utan að ný forusta er tekin við af fyrri formennum flokkana og jú nýr varaformaður hjá Samfylkingu,get ég ekki séð að neitt nýtt komi fram af viti.Við vitum alveg afstöðu Samfylkingar varðandi ESB og er það gott og gilt,það var og vitað löngu fyrir landsfund.Annað sem ég tók eftir sem stakk mig var að ekki er vilji til að afnema verðtryggingu og nánast engar lausnir komnar fram fyrir fyrirtæki og heimili landsins.

Úr landsfundi Sjálfstæðismanna fékks úr skorið að ekki skuli sækja um aðild að ESB og fram kom jú að endurreisnarskýrslan mikla sé ekki pappírsins virði og handónýt,ekki veit ég til að verðtrygging hafi verið rædd enda sennilega tabú þar á bæ,og má helst ekki minnast á.

Ok skoðum þá hvað gert hefur verið síðan í byrjun Október þegar bankarnir og jú flest annað hrundi.Okkur hafa verið boðið frystingar sem hafa að mestu snúist um að betur áraði með gengi þegar frystingu lyki og fólki bæri að borga á ný,þar hefur það gerst að öll styrking krónu er gengin til baka á einungis 2 vikum.Samt ber að hafa í huga að króna er ekki komin aftur á flot enn eru gjaldeyrishöft og lán frá AGS ásamt eftirlitsaðilum þeirra munu koma reglulega meðan ástand er enn viðkvæmt.Nú síðan hefur verið skipt um stjórn í seðlabankanum og tímabundið ráðinn erlendur seðlabankastjóri,og sýnist mér hann velja þá leið að verja krónuna ekki og hefur hún því fallið um rúm 15% á 2 vikum.Annað jú sem boðið hefur verið er að tímabundið verði fólki leyft að taka út allt að 1.000.000 í séreignalífeyrissparnaði jú jú gott og vel en hafa ber í huga að fólk á þennann pening hvort eð er og auðvitað renna tæp 40% af því beint í ríkissjóð í formi skatta.Og ég held að samþykkt hafi verið að auka vaxtabætur um 25%,endilega bendið mér á ef ég er að gleyma einhverju sem skiptir máli.Ég veit reyndar af greiðslujöfnunni sem mér finnst ekki mikil lausn fyrir heimilin.

Það kom hér heilmikil umræða að fella niður skuldir um 20% og var og er talin óraunhæf aðgerð og kosti x marga milljarða og því ekki framkvæmaleg lausn,að mati margra.Mig langar að benda á eitt varðandi þessa niðurfellingu og er það þegar mest af þessum lánum sem um er rætt voru tekið var verðbólga milli 5-7% og því allt aðrar forsendur fyrir lánunum en er í dag.Undanfarið hefur í næstum 20% verðbólgu lán sem hljóðar uppá 10 milljónir safnað á sig næstum 1 milljón í verðtryggingu á einhverjum 6-8 mánuðum,og þar með kæmi aldrei til neinnar útborgunar á þessum X milljörðum í formi peninga að ráði heldur myndi þetta þíða að það yrði bara klipping aftan af húsnæðislánunum geggjunin sem verðtryggingin er búin að safna á sig.

Ég gæti sennilega haldið áfram að telja upp hitt og þetta til umhugsunar um stöðuna sem við búum við,bara gengislækkunin undanfarnar 2 vikur munu kosta okkur marga milljarða til borgunar vegna lána í gengismynd og hækkunar vöru,sem kemur til útreikninga á verðbólgu og vísitölu og bang við skuldum enn meira.

Þannig verð ég að segja eins og er,mér finnst fáar lausnir koma fram um að verja fyrirtæki og heimili í landinu.Og ég veit ekki hvað allt þetta fólk í stjórnmálum eru hreinlega að gera á þeim vettvangi,það virðist allavegana fáir hafa nokkurra lausn í neinum málum sem einhverju skipta.Það er ekkert gaman að lifa í landi sem bíður þér ekki möguleika á að framfleyta þér og þínum sómasamlega með þeim launum sem þú aflar.

Að lokum vil ég benda á að þótt pistill sé ekkert hughreystandi þá ber ég mig vel,og lifi í þeirri von að kosningum loknum muni næsta stjórn bjóða lausnir sem leysa málefni þjóðarinnar en ekki lengja í hengingarólinni.

 


Er þetta ekki alveg týpíst dæmi

um að banki tapar ekki þegar einstaklingar eiga í hlut.Svona verður víst nýja Ísland með gömlu ívafi til að Tryggja að eignalaus komstu og þannig viljum við að þú farir líka.

Ég var áðan(svo dæmi sé tekið)að fletta á textavarpinu,sem ég auðvitað geri oft og reglulega.Þar var frétt um Kaupþing gamla sem mér virðist hafa búið til nýja formúlu um kjörvexti og snúast þeir um annarsvegar millibankavexti og nýyrðinu kjörvaxtaálagi,og gátu þeir hækkað það úr 1% í tæp 3% eftir hentuleika án nokkurra athugasemda þar til nú.

Sennilega hefur þetta auðvitað allt verið framreiknað til útreikninga á hærri bónusum til þeirra er stjórnuðu Kaupþingi.

Það virðist oft vera með ólíkindum hvað hægt er að gera til innheimtunnar,heilu A4 blöð full af svona auka álögum sem starfsmenn skilja varla sjálfir.Ég fæ allavegana oft bara axlarhnipp þegar ég spyr hvað og hvernig hitt og þetta er reiknað.

 

Til gamans vil ég spyrja lesendur um eitt,og það er kanntu formúluna á reikning verðtryggingar milli mánaða á húsnæðisláni þínu.Endilega setjið upp dæmi í athugasemdum og það væri gaman að sjá hvað margir eru með þetta á hreinu?

Bestu kveðjur og megi guð ykkur geyma.


mbl.is Evran á 260 krónur
Tilkynna um óviðeigandi tengingu við frétt

Til hvers að taka yfir enn einn bankann?

Hver er nauðsyn þess að taka yfir straum?annar en bara að auka skuldir þjóðarbúsins.

Ég hvet menn til að fara hugsa og leggja á sig smá stærðfræði,séu málin skoðuð síðan hrunið varð hérlendis í haust virðast allar ákvarðanir vera á svipaða lund.

Mín skoðun er sú að það var nóg að taka Glitni og láta hitt falla,nú virðist mér að þegar upp er staðið falla allir með þessum yfirtökum.


mbl.is „Auknar líkur á þjóðargjaldþroti"
Tilkynna um óviðeigandi tengingu við frétt

Ýmist í ökkla eða eyra.

Komið öll sæl og blessuð.

Það er orðið eitthvað síðan ég setti inn færslu,og fyrir vikið eiginlega undrandi á að ég loki þessari síðu ekki bara.Ég nota að vísu síðuna enn nokkuð til að lesa ykkur hin og þá mest bloggvinina,og þessvegna óþarfi að setja liðið inn í Bookmarks.

 

Nú er að verða liðinn mánuður síðan ég varð atvinnulaus,og ég verð að segja það fer mér ekki vel eða réttara vel í mig.Ég stend mig stundum að því suma daga að þegar ég skoða daginn hafi hann mest snúist um að drepa tíma.Ég er vanari því að hafa ekki nægan tíma fremur en hitt að vera í vandræðum með hafa nóg fyrir stafni.

Auðvitað er  hægt að nota þennann tíma og drífa sig á einhver námskeið eða eitthvað sem gerði manni gott og öðrum,ég reyndar hef notað svolítið tímann í að hjálpa vinum og vandamönnum með verk sem vont er að vinna einn,og sjálfur græði ég helling af vellíðan fyrir vikið.

Stundum fer tíminn minn í að hugsa og það veit ekki á gott hjá mér oft á tíðum,veldur oft hjá mér heilabrotum um að hafa átt að gera vissa hluti öðruvísi og suma bara alls ekki.En auðvitað er þetta ekkert alslæmt allt saman og það er hægt að læra vel nú á tímum hvað skiptir mestu máli í lífi manns og hvernig ég geti komið því við að nálgast markmiðið hvernig ég vilji hafa hlutina hjá mér og lært að leggja á mig til að öðlast,en ekki leiðin sem ég hef oft valið að öðlast til að leggja á mig og vona síðan bara að þetta reddist.

Það fer reyndar rosalega illa í mig margar fréttirnar hvernig hefur farið hjá mörgum fjölskyldum,og hreinlega hvernig fjármálafyrirtækin fara með fólkið.Í mínum huga er vonlaust mál að láta bara launþega taka skellinn í kreppunni og fyrirtæki og stofnanir fylgi bara verðbólgu og vísitölum með sitt og halda að það gangi til lengdar.

Fyrir vikið þegar hugur minn fer í að reikna,fæ ég bara svo oft upp að dæmið gangi ekki upp og því fyrr sem við áttum okkar á að þjóðin er gjaldþrota því betra.Auðvitað vona ég og vill að við náum skútunni aftur á lygnan sjó,en þá líka er það aðeins hægt með samstilltu átaki  allra landsmanna.Það verður ekkert nýtt Ísland með sama kerfinu og kom okkur á hausinn með,verði notað áfram allir verða þá bara þrælar verðtryggingar til þess eins að hafa stað til að sofa á.

Læt þetta duga að sinni og þið fyrirgefið kannski pistilinn þennann,hann er að mestu gerður mín vegna til losunnar.Og fyrir vikið held ég stjórn og sönsum eitthvað áfram.


Það má vel takast á um uppbyggingu sem ekki verður á næstunni.

Ef við skoðun þróun álverðs undanfarið og stöðu álfyrirtækja á mörkuðum,Þá eiginlega sér maður bara eitt í stöðunni.

Og það er sama hvort heldur er á Bakka eða Helguvík,mín spá er sú að framkvæmdum verður hreinlega frestað næstu 10 ár eða svo.

Það hefur enginn með meiri framleiðslu að gera ef hún selt ekki fyrir viðunandi verð.

 


mbl.is Tekist verður á um Bakka
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband