Ánauð er staðan hér og nú!

Mér verður stundum hugsað til áður og eftir hrunið.

Og fyrir vikið er eins og ég sé hreinlega vakinn upp harkalega við martröð,martröðinni um hagkerfi heimssins og hvernig það virkar,ég er og verð alltaf númer á skjá og það eða þau númer segja stöðu mína í kredit og debit.Þessi hringrás sem við flest þekkjum svo vel þegar eitthvað kemur upp,og loks þegar maður var farinn að sjá eitthvað ljós í göngunum þarf að auka útgjöldin,og jafnvel leikreglum breytt og gert afturvirkt?.

Allir bankar okkar fóru á hausinn á einni viku eða svo,samt fóru engir peningar út eða inn vegna okkar fólksins,heldur breyttust bara tölur okkar í kerfinu.Þessar tölur hafa síðan bara vaxið og smám saman gert okkur ókleyft að borga,og fyrir vikið mun kerfið ná tökum á því litla sem við eignum og skipta því sín á milli.

Hvernig stendur á því að verðmæti gjaldmiðla rokka svona mikið til,breytast við það eitt að jörð skelfur eða óverður fer hjá,og kerfið skelfur um stund og það bitnar síðan á einhverju hagkerfinu í heiminum?

Það var mikið talað um nýtt Ísland fyrst eftir hrun,og allt uppá borðum.Staðreyndin er síðan önnur og sama meðalið og felldi okkur notað til að plástra upp skaðann,og eina leiðin til að endurheimta féð sem hvarf á x árum er að ánauða landann í sköttum og skuldum.

Ég gæti haldið áfram lengi og talið upp,en læt þetta duga þið skiljið hvert ég er að fara með þessu.Við munum ekki breyta heimskerfinu ein og sér,til þess er landið of lítið og hagkerfi þess smátt.En eitt mun heimurinn ásælast af okkur til greiðslu skulda þjóðar okkar sem vaxa og vaxa vegna gjaldeyrislánanna sem við tökum og notum síðan ekki neitt,því engin verslun getur átt sér stað án aðgerða sem engar eru.Og það verða auðlindir okkar í hreinu vatni og hreinni orku.

Við verður að vakna og segja nei,ef ekki fyrir okkur sjálf þá fyrir börn okkar sem erfa skulu land.