Kaldur sviti.

Heil sæl núna langar mig að tjá mig smá um ástandið í vímuefnamálum okkar íslendinga.Það er nefninlega svo að við bönnum hitt og þetta og leyfum svo annað eins og þessi Tóbakslög okkar sýna.

Ég eins og margir vita er alkóhólisti þó ég hafi nú mest lítið drukkið heldur notað ólögleg og lögleg lyf í formi annars en vökva,þá vil ég jú benda fólki á að skoða nú lyfjaskápinn sinn og hvað hann inniheldur.Það skiptir engu hvort þau séu nú ávísuð af læknum eður ei,heldur hvað þau innihalda það er málið.

Lyfjafræðin sem og eiturlyfjamarkaðurinn hafa sama lögmál búa til efni sem virka og virka ekki á miðtaugakerfið eða ekki á það,hver kannast ekki við aukaverkanir ýmar sem kalla svo á fleiri lyf við aukaverkununni.

Ég get alveg frætt ykkur um hvað sé minn versti niðurtúr ekki var það áfengið né amfetamínið eða kókið ellurnar né neitt af þessu,það voru geðlyfin og þau lyf sem mér hefur verið ávísað af læknum í góðri trú um að hjálpa mér.(Hjálpræðið fann ég löngu seinna hjá guði)

Oft er svo að með nýjum lyfjum og auðvitað nýútskrifuðum læknum sem jú þurfa að reyna eitthvað sem þeir hafa lesið um að geti virkað,þá er oft sjúkling gefið eitthvað lyf og síðan þarf að sjá virknina á viðkomandi sjúkling,mér hefur oft verið hreinlega bara gefið röng lyf sem jú hafa gert mig enn meira sturlaðan og fjær markmiðinu um að mér sé hjálpað.

Ég vil nú meina að sum af þessum jú löglegu lyfjum hafi næstum drepið mig bara,eða gert mig svo bilaðan að ég vill bara deyja og komast heim.(Og ég er ekki að meina undir sæng í húsi mínu heim til skaparans).

Eins og ég sé þetta fyrir mér á ástandið bara eftir að versna og versna og ofbeldið á eftir að aukast og verða jafnvel grimmara eins og það sé nú ekki nógu slæmt fyrir,og við færumst lengra frá markmiðum okkar með hverjum degi sem líður.

Til að ná árangri í þessum málum verðum við sjálf að taka til í hverju jú okkur sjálfum,það hreinsar enginn þinn skít nema þú sjálf(ur)enginn annar,við getum ekki kennt neinum stofnunum eða fræðingum um ástand okkar ef við síðan gerum ekkert nema ætlast til að aðrir geri fyrir okkur það sem við getum ekki gert sjálf.

Ég veit með mig ef ég geri ekkert í mínum málum þá bara verð ég endanlega geðveikur eða hreinlega dey,þetta er alfarið undir mér komið og engum öðrum.

Ég þekki kaldann svita ég þekki taugakláða ég þekki það vel að vera timbraður og hreinlega hálfsturlaður vegna neyslu minnar hér um árin og alltaf var ég að leyta að sjálfinu mínu og hvað væri nú hvað eitt get ég sagt ykkur það sem fer inn leytast við að komast út aftur og ef þú safnar og safnar inn verður verra og verra að koma því út aftur og mun bara taka lengri tíma.

Jæja ég gæti jú skrifað endalaust um þessi mál en ég nenni ekki meiru núna verið hress og kát og þá verða hinir líka hressir og kátir og voða gaman að lifa kveðja Úlli.