Greiningadeild Úlla.

 Bankastjórn Seðlabankans hefur ítrekað lýst því yfir að háum stýrivöxtum sé ætlað að varna víxlhækkun verðlags, launa og gengisvísitölu og koma í veg fyrir að háar verðbólguvæntingar festist í sessi, og væntum við þess að þau skilaboð verði endurtekin nú.

Ég vil nú sjálfur koma fjármálakerfi heimsins á óvart,og hreinlega lækka nú strax um 50 punta sem sagt vera á undan áætlum og setja stýrivexti í 15 %. Þar með komum við öllum á óvart og hreinlega mun krónan styrkjast við þessar óvæntu lækkanir sem enginn sá fyrir, og þar með hefjum við lækkunnarferlið strax.Og með þessu plani er óhætt að segja að vextir væru komnir niður í 14% um áramót.

Ég er auðvitað bjartsýnn og tel að þetta sé alls ekki óraunhæft hjá greiningadeild minni,við strákarnir í deildinni höfum verið að vinna mikið að undanförnu í að koma skútunni til hjálpar(því okkur hefur sýnst ekki veita af) og hef ég verið að reikna mikið undanfarið hagkvæmi þess að flýta ferlinu og þannig ná verðbólgumarkmiðum fyrr,svo allir samningar lendi ekki á borði sáttasemjara of snemma.

Með þessum skilaboðum til þjóðar og heims allann,mun fólk sjá að við erum að vinna að marki og höfum stefnu sem tekinn er mark á.

Læt þetta duga að sinni lifið heil,og sparið.

Bestu kveðjur Úlli.

 

Spá óbreyttum stýrivöxtum

Athugasemdir

[Rósa Aðalsteinsdóttir, 2.7.2008 kl. 00:20]

Sæll Úlli minn.

Þú segir nokkuð. "þ.e. þáttum sem stýrivextir bankans bíta ekki á og með aðgerðum sínum keyrir hann hagkerfið niður í óþarflega mikla lægð." Ég tók eftir þessu í greininni. Þetta er því miður ekkert nýtt að það á ekki að koma til móts við fólkið í landinu fyrr en þeim þóknast. Allir muna eftir að olíuverð lækkaði á heimsvísu aftur og aftur og þá voru hækkanir hér. Það voru alltaf afsakanir um að þarna væru gamlar birgðir. Það var auðveldara að kaupa nýjar birgðir fyrir vikið. Olíufélögin græddu á tá og fingri á meðan viðskiptavinirnir borguðu mismuninn fyrir þá.

Ég var að skoða síðu vegagerðarinnar í dag: http://www.vegagerdin.is/ Efst á síðunni var áhugaverðar upplýsingar. Endilega kíkið og sjáið súluritið. 

Þróun umferðar og hugsanleg áhrif bensínverðs - nýjar tölur

"Nýjustu tölur, frá 14 talningarstöðum, í júní 2008, benda eindregið til að umferðin á Íslandi sé að dragast saman.

Eins og sjá má í töflunni þá er umferðin að dragast saman á öllum talningarstöðum nema vestan Hvolsvallar.
Kann það að skýrast af umferð í tengslum við Landsmót hestamanna, sem haldið er á Hellu dagana 30. júní til 6. júlí."

Óþolandi með öll lán sem nú hækka og hækka alveg sama þótt fólk borgi heiðarlega af sínum lánum. Þetta er mannskemmandi og dregur mátt úr fólki.  Ef einhver er með þrjú lán og afborgun hækkar um 5000. kr. pr mánuð á einu láni og 5000. kr á öðru láni og svo 10.000. kr. á þriðja láninu. Þetta munar þegar ekki er launahækkun á sama tíma. Frændi minn sagði mér í dag að afborgun á  bílalán hjá honum hafi hækkað um c.a. 5000. kr. á mánuði og munar það miklu fyrir okkur flest. Ef viðkomandi hefur 130.000 kr. útborgað á mánuði þá er þetta 26. hluti af kaupi viðkomandi. Fimm þúsund krónu seðlarnir eru fljótir að fjúka hér en verðlag er auðvita eins og allir vita ekki í samræmi við laun og það ætti að vera baráttumál hjá okkur öllum að þarna sé samræmi.

Vinkona mín sagðist hafa séð blogg nýlega í Reykjavík þar sem flestar íbúðir voru komnar á sölu. Því miður er kreppan að buga marga og sérstaklega unga fólkið sem er að kaupa þak yfir höfuðið og var svo bjartsýnt að kaupa bíl og fleira á sama tíma.

Þeir sem stjórna landinu vita að landsmenn eru máttlausir í að andmæla því launin eru svo lág að enginn getur farið í verkfall því flestir skulda svo mikið að þeir geta ekki misst einn dag úr vinnu.

Nú er tími fyrir þá sem stjórna að taka í taumana áður en allt fer í vitleysu en þetta eyðslufyllerí var mikið til þeim að kenna. Þoldi aldrei boðskap Davíðs Oddssonar um velferð og aftur velferð. Ég gat ekki séð neina velferð, allavega ekki hjá mér sem þá vann í fiskvinnslu.

Baráttukveðjur fyrir réttlæti/Rósa þrumugnýr.

[Úlfar Þór Birgisson Aspar, 2.7.2008 kl. 06:14]

Já Rósa þetta innlegg þitt er kærkomið,svona eru auðvitað málin.

Ég er sjálfur með svona lán sem hækka bara og hækka,og eina ráð mitt í stöðunni er að bæta á mig vinnu,en ekki getur nú fólk bætt á sig vinnu endalaust.Eitthvað hlýtur þá að láta undan kannski það sé stefna seðlabanka og stjórnar þessa lands að drepa okkur flest úr vinnu,því ekki get ég séð að þessir aðilar geri nokkuð í stöðunni annað en að bíða.

Maður hlustar endalaust á þessa kalla segja að nú þurfi að herða sultarólina og spara,en ég spyr bara með hverju á að spara þegar ekki króna er eftir.Og svo geta fæstir orðið selt þessa fínu bíla sína því lánið stendur hærra en virði bílsins.Ég er orðinn sótillur yfir dugleysi þessarar stjórnar og ég skil ekki orðið neitt hvert seðlabankinn er að fara í sínum aðgerðum.

En auðvitað lifir maður enn í voninni,nú ef ekkert breytist þá verður maður bara að flytja erlendis til að getað lifað eins og maður en ekki þræll.

[Ása (IP-tala skráð) 2.7.2008 kl. 21:35]

Þið segið nokkuð hérna - flott innlegg hjá ykkur Úlfar og Rósa - því miður er seðlabankastjórn ekki sérlega hæf - hefur hreinlega ekki mikið vit á peningamálum - enn verra er þegar fólk í svona stjórnunarstöðum er líka þrjóskt og neitar að athuga málin frá öðrum hliðum en sínum skoðunum - svo ég hef grun um að þetta sé í miklum voða eins og er - en vonandi nær nefndin að jafna sig á barnalegu stærilætinu og fyllast visku og dug til að taka af skynsemi á peningamálunum okkar eins og fullþroskuðum einstaklingum ber að gera!!!

[Úlfar Þór Birgisson Aspar, 3.7.2008 kl. 20:04]

Þar höfum við það stúlkur,eins og mig grunaði eftir að greiningadeildir bankanna höfðu gert sínar óskir skýrar,myndi auðvitað seðlabankinn halda áfram sinni vonlausu stefnu sem engu skilar.Og auðvitað verða við ósk bankanna og breyta ekki neinu,ég held meira að segja að það hafi ekki munað miklu að þeir hækkuðu um 25 punta eða svo,en sem betur fer þorðu þeir því ekki blessaðir.

Lengi vel var alltaf talað um forsendur fyrir lækkun og vegna mikillar þenslu og bla bla bla,þá væri ekki hægt að lækka vegna verðbólguþrystings,svo þegar allar aðstæður meðal vinnandi manna eru réttar,þá auðvitað fellur króna ásamt þessum blessuðu bréfum,og þá auðvitað verður verðbólga enn of há.

Ég er farinn að halda að það muni aldrei verða réttar aðstæður til eins eða neins,þessir menn eins og Ása bendir á eru bara vanhæfir,og þetta endar með að það tekur sig ekkert að vera að vinna neitt þú munt ekkert hafa undan hvort eð er.

Svo ég hreinlega legg til að við bara stöndum upp öll og segjum hingað og ekki lengra,þíð megið bara hirða þetta allt,því við erum hætt að redda þessu fyrir ykkur vitleysingana.

Megi góður guð ykkur fylgja í leik og starfi.Kveðja Úlfurinn.