Af mér að frétta

er þetta helst,ég er kannski ekki uppá mitt besta að blogga þessa dagana og það er auðvitað bara hið besta mál.

Ég hef vegna vinnu ekki haft mikinn tíma fyrir hobby og þessháttar undanfarið,þarf að fara að komast í klippingu svo eitthvað sé nú nefnt.En góðu fréttirnar eru að það sér fyrir endan á þessu basli okkar og við förum að framleiða nú næstu daga,ég verð að viðurkenna að þetta hefur verið mér góður skóli og við höfum þurft að bretta upp ermar og taka á undanfarið.

En fyrir vikið gefst ekki mikill tími fyrir sjálfan sig og ég hef dregist aðeins afturúr í mannrækt minni,og margir brestir mínir hafa sótt mig heim og þráðurinn hefur styðst svolítið.Ég geri mér vel grein fyrir hvar ég er staddur og verð þessvegna bara að laga sjálfið ögn og halda mínu striki,enda no pain no gain eins og máltakið segir.

Þegar allt er komið í röð og reglu þá verður þetta æðislegt og ferlið mjög fullkomið,framleiðslan verður þannig úr garði gerð að við vinnum eftir strikamerkjakerfi og hvert stykki mun hafa sína merkingu,og fer frá hverri vélinni af annari og vélbúnaður vinnur eftir þessu kerfi og mest okkar vinna að stilla af vélar og mata.

Auðvitað þarf jú að koma þessum forritum að fyrst véla og tölva á millum og skrifa kóðana,en ég ætla mér svo sem ekkert að lýsa þessu neitt í smáatriðum.Mig langaði samt að leyfa ykkur að fá smá innsýn í hvað ég er að sýsla.

Í dag ætla ég að slappa af og taka til,moka snjó og sinna heimilinu og mér.Þetta eru svona hlutir sem hafa þurft að sita á hakanum undan farið,og ef ég moka nú ekki innkeyrsluna fljótlega mun bara flæða allt í bílskúrinn þegar hlána fer.

Ég bið ykkur öllum guðsblessunar og góðra stunda.

Athugasemdir

[Rósa Aðalsteinsdóttir, 20.1.2008 kl. 16:47]

Sæll Úlli minn dugnaðar forkur. Nú er hvíldardagur og farðu vel með þig. Heilsan skiptir máli. Stundum er hægt að fá varahluti ef eitthvað bilar í líkama okkar en ekki allt svo endilega muna að gera ekki sömu vitleysu eins og sumir að bræða úr sér.